सौर्य एयरलाइन्सको दुर्घटनाबारे अन्तिम प्रतिवेदन सार्वजनिक, के छ प्रतिवेदनमा ?

काठमाडौं। सौर्य एयरलाइन्सको दुर्घटनाग्रस्त सीआरजे २०० (कलसाइन ९एन–एएमई) जहाजसम्बन्धी अन्तिम प्रतिवेदन आज सार्वजनिक गरिएको छ। संस्कृति, पर्यटन तथा नागरिक उड्डयन मन्त्रालयमा आयोजित विशेष कार्यक्रममा जाँच आयोगका अध्यक्ष रतिशचन्द्रलाल सुमनले प्रतिवेदन संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेलाई हस्तान्तरण गरेका हुन्।

मन्त्री पाण्डेले प्रतिवेदन निष्पक्ष र कुनै पूर्वधारणा वा दबाबबिना तयार गरिएको उल्लेख गर्दै, मन्त्रालयले त्यसलाई पूर्ण रूपमा कार्यान्वयनमा लैजाने प्रतिबद्धता व्यक्त गरे। मन्त्रालयले आयोगबाट बुझाइएको प्रतिवेदन आफ्नै वेबसाइटमार्फत सर्वसाधारणका लागि सार्वजनिक पनि गरिसकेको छ।

गत वर्ष साउन ९ गते मर्मतका लागि त्रिभुवन अन्तर्राष्ट्रिय विमानस्थलबाट पोखरातर्फ उडेको सो जहाज पोखरा विमानस्थलको धावनमार्ग नजिकै दुर्घटनाग्रस्त हुँदा १८ जनाको दुःखद मृत्यु भएको थियो भने पाइलट मनीष शाक्य जीवितै उद्धार भएका थिए। उक्त दुर्घटना पछि तत्कालीन नेपाल नागरिक उड्डयन प्राधिकरणका पूर्वमहानिर्देशक सुमनको नेतृत्वमा गठित आयोगले विस्तृत अध्ययन, अनुसन्धान र विश्लेषणपछि प्रतिवेदन तयार पारेको हो।