एजेन्सी- माइक्रोसफ्टका संस्थापक विल गेट्सले अबको अफ्रिकाको स्वास्थ्य र शिक्षा अबको २० वर्षमा सुधार गर्ने लक्ष्यसहित आफूले सहयोग गर्ने बताएका छन्। ६९ वर्षीय उनले मानवताको दृष्टिकोणले अफ्रिकाका हरेक देशका व्यक्तिलाई अहिलेको विकराल अवस्थाबाट बाहिर निकाल्न आवस्यक रहेको बताएका छन्।
अदिस अबाबामा बोल्दै उनले त्यस महादेशका युवा स्वास्थ्यमा सुधार ल्याउनका लागि पनि आर्टिफिसियल इन्टिलिजेन्सका बारे जानकार हुनुपर्ने बताए। अफ्रिकन युनियनको हेडक्वार्टर पुगेका उनले आफ्नो सम्पत्तिको हिस्सा अफ्रिकामा नै खर्च गर्ने बताएका हुन्। त्यसो त उनले यस अघि नै आफ्नो सनम्पत्तिको ९९ प्रतिशत सामाजिक मानवीय काममा खर्च गरेर सक्ने बताइ सकेका छन्।
मोजम्बिककी पूर्व प्रथम महिला गार्सा माचेलले उनको निर्णयको स्वागत गर्दै अहिले अफ्रिका सङ्कटमा भएका कारण गेट्सको घोषणा महत्त्वपूर्ण हुने बताइन्।
अमेरिकी राष्ट्रपति डोनाल्ड ट्रम्पले यस अघि नै अमेरिका पहिलो नीति लिँदै अफ्रिकामा गर्ने सहयोग बन्द गर्ने घोषणा गरिसकेका छन्।
गेट्सले अफ्रिकामा आफ्नो फाउन्डेसनले गरेको कामको लामो इतिहास भएको बताएका छन्। गेट्सले अहिले नै रुवान्डामा एआईको प्रयोग गर्दै स्वास्थ्य क्षेत्रमा भएको सुधारको उदाहरण दिएका छन्।
